Gənc Tamaşaçılar Teatrının yaradıcı heyəti mükafatlandırıldı

Gənc Tamaşaçılar Teatrının yaradıcı heyəti mükafatlandırıldı

0 rəylər

Azərbaycan Dövlət Gənc Tamaşaçılar Teatrında türk dünyasının ortaq qəhrəmanı Koroğlu dastanının motivləri əsasında hazırlanmış “Eşqi–Nigar” tamaşasının növbəti premyerası baş tutmuşdur.

Tamaşa Bakı Yunis Əmrə İnstitutu  və Azərbaycan  Dövlət Gənc Tamaşaçılar Teatrının birgə layihəsi olaraq reallaşmışdır.

Bakı Yunis Əmrə İnstitutunun yeni rəhbərliyinin, Türkiyə Cumhuriyyətinin Azərbaycandakı səfirliyinin əməkdaşlarının iştirakı ilə böyük anşlaqla keçən tamaşada əsas obrazları teatrın aktyorları Manaf Dadaşov, Zülfiyyə Alhüseynova, İlham Əsədov, Aydın Dəmirov, Ramiq Nəsirov, Eyvaz İbrahimov, Vahid Orucoğlu, Anar Seyfullayev, Anar Səfiyev, Ramil Məmmədov və Elgün Yəhyayev ifa edirlər.

Tamaşanın səhnələşdirməsi Amalya Ömərova, quruluşçu rejissoru Ayla Həşimova, rəssamı Elşən Sərxanoğlu, plastik həll Ceyhun Dadaşova məxsusdur.

Böyük maraqla və gurultulu alqışlarla seyr olunan tamaşadan sonra Yunis Əmrə İnstitutunun, “E Media Group”un və Azərbaycan Dövlət Gənc Tamaşaçılar Teatrının təsis etdiyi diplomlar tamaşanın yaradıcı heyətinə təqdim edildi.

Bizə fikirlərinizi bildirin

* Vacib sahə

Rəylər (0)